Om oss
Kjørnes Camping og Fjordhytter ligg på eit nes, ved den gamle hovudvegen mellom aust og vest.
Ein naturskjøn plass, populært som tur- og rekreasjons-område både for lokale innbyggarar og for tilreisande. I tillegg er det eit sentralt utgangspunkt for dei beste opplevingane i og rundt Sognefjorden.
I løpet av 1 time kjem du til dei største og mest kjende Nasjonale attraksjonane. Innimellom alle desse finn du “krydderet” som opnar for dei store opplevingane på dei små plassane. I resepsjonen har vi innsikt og oversikt, med lokalt ansatte frå nærområdet. Dei deler av eiga erfaring, tilrettelegg og skreddersyr, om du deler med oss kva du er ute etter, kan vi dele “leikegrinda vår” med deg.
Kjørnes Gard
Gnr 1/Bnr 1 i Sogndal Kommune
Ein tidlegare embedsmannsgard der militære og advokatar skiftesvis budde frå 1500 talet.
Garden har vore i familien Kjørnes si eige frå 1863.
På det meste var det 13 bygningar her. I dag står det igjen 4 renoverte; 3 i rekketunet på garden, i tillegg til sjøbui. Hovedhuset er 400 kvm fordelt på to etg, bygd i 1736. Skulestova ved sida av vart bygd på same tid, då det var omgangsskule her. Drifta har vore dyr, frukt og skog.
Dette er fødestaden til Hans Paludan Smith Schrøder, første misjonær i Zululand. Seinare var det Bollette Christine Pavels Larsen som vaks opp her. Ho var forfattar og første kvnnelege bokmeldar i Bergens Tidende, -dessutan niesa til Margrete Munthe. Kultureliten i Bergen, med bl a Hamsun, Garborg og Grieg var omgangsvener med Bollette.
Den vakre og unike plasseringa tett på Sognefjorden blir i dag delt med våre gjester, der dagens drift er camping og hytteutleige.
Sjøbui vert i dag brukt som Lysthus til gjestene våre.
Fjordsti - Sjøbu - Lysthus
Sognefjorden, verdas lengste fjord, var hovudtrafikkåra fram til tildleg på 1900 talet, før bilane og vegane overtok. Båtane bringa varer og folk rundtom på bygdene, samt inn og ut av Bergen by. Sjøbua vart bygd på same tid som husa på garden, og grusvegen du går på erstattar den opprinneleg steinsette vegen. Vi har laga ein kulturhistorisk fjordsti langs sjøen, 1 km lang. Ei digital historisk løype, på 4 språk, som tek deg med tilbake i tid. Her får du høyre om Draugen, Gjest Baardsen, Bøddelen, Schrøder og Bollette. I tillegg til historiske hendingar på og rundt plassen. Du passerer også 3 freda gravhaugar frå bronsealder/jarnalder. Undervegs finn du benkar og eit stort Lysthus / Sjøbua. Vi er både glade i og stolte av plassen vår, -ei av dei mange perlene langs Sognefjorden. Alle er velkommen, dette deler vi gjerne med gjestene våre
Scann QR-koden kostnadsfritt, du finn den på skilta. Turen startar i Askastoi, i enden av campingplassen mot Sogndal sentrum. God Tur!
Green Key - miljøsertifisering
Vi er miljøsertifisert gjennom Green Key for å vise at campingplassen vår tar grep og omset idear om miljø og bærekraft til praktisk handling. Det ønsker vi også at du som vår gjest skal gjøre.
Heilårsdestinasjon
Med heilårsopne hytter anbefalar vi haust, vinter og vår i fjellet rundt Sognefjorden.
15-20 min unna finst to skisenter tilrettelagt for både alpint, langrenn og skøyting. Utanom løypene er det laussnøkjøring, fjellski- og trugeturar.
Den norske seterkulturen og stølsdrift er i 2024 nye på Unesco si verdsarvliste; Dei vakraste inngangsportalane til fjellheimen - med kulturhistorisk stemning. Finn kart og inspirasjon i resepsjonen.
